مساء الخير

قدر ماديك حنان وأشواق
أحس بي اني لسه بخيل
مساء الخير
وكل ما تكتر الاهات
ويطول الهم تهل زي عادتك
انت صباح تهزم الليل
مساء الخير
محكر في القليب جوه
وياك فارس المشاعر ريد
بتملاء دواخلي ديمه صهيل
مساء الخير
وياما معاك خطاي ترتاح
تكمل باقي كل مشوار
ويقصر مهما يبقى طويل
مساء الخير
وقدر مايشح ترابي محل
تدفق لي بحورك ريدك
وتطفح سيل
مساء الخير
وقدر مايغش سحاب الناس
بروق ورعد
بتمطر انت بالتحنان
تعبي تكيل
مساء الخير
وكل ما تفرح الاحزان
تعود تاني الاماني حمام
وتملا البهجة عمري هديل
مساء الخير
مخير انت في الاشواق
تجيك كل المشاعر ريد
وتنوى الحسرة مني رحيل
مساء الخير
بشيلك في سواد العين
وبشوف بي حبك السنوات
سعادة يوم تهب نسمة هواه عليل
مساء الخير
بتمسح دمعات الفراق بالشوف
وقادر لي همومي تشيل
مساء الخير وصباح الخير
وحاتك عندي مافرقت
لأنك انت كل الخير
مساء الخير

صباح محمد الحسن

غلطتك

غلطتك

مجبور افارق 

سكتك ماغلطتك
ماسكتك ماخط

 عديل بي جاي وجاي
خليتني تائه في الدروب

 شايل اساي
وخليتني شايل للهموم 

صبحي ومساي
وريتني كيف احزن كتير

 صيفي وشتاي
وحتى 

الظروف العشتها ماهمتك
مجبور افارق سكتك ماغلطتك
ماتشقى يوم ماشقيت انا
 وماطال شقاي
وماتجبر الخاطر الكتي
ر ليك انجبر ماتقيف حداي
وحتى الظروف

 العشتها ماهمتك
مجبور افارق سكتك

 ماغلطتك
الذكريات خليتها ليك
 مالذكرى مني ومنتهاي
وحبل الصبر مني اشتكى
 واتقطعت حيلي المعاي
واتبدلت كل الايام يوم الهنا
 ويوم كان مناي ومامنيتك
مجبور افارق

 سكتك ماغلطتك
ويوم تبقى يوم عندك ضمير
 برجع براي
وابني القبيل كان انهدم
 واديك رضاي
واحنس القلب العني
د يرجع معاي
لكن كمان وين الضمير
 ومن وين يجيك ياحضرتك
مجبور افارق سكتك ماغلطتك
صباح محمد الحسن
غناء اسرار بابكر

زولاً أنا 

زولاً بدافر في السكون
يجبد يقالع في الحنين
ساكن مع الروح في الفؤاد
يفتح مداخل للفرح
.ويمسح دموع خد الحزن
...يشهق معاي زي النفس
.نتنهد الاحلام سوا
ويقنت معاي ساعة الزعل
زولاً بيشبه كل شي
فيني وجواي
.زولاً أنا
يغشاك يزورك زي منى
ويقعد يقاسمك فرحتك
ولو مره هل عليك ضو
بيشلع ينور فجتك
بنزل عليك شايل المطر
وتبتق الاحلام جواك
وتفرهد الازهار 

عشم في سكتك

زولن مواسم للسنين
فرحانة بيهو ألازمنه ..
.زولاً أنا
و لومرة يوم في يوم بعد
زي الضفر لمن يفارق للحم
ولو حن يوم وعليك دنى
بتحسو جواك في العروق 

 شريان ودم

.زولن بيسكت لي الحزن
لو مره يوم حاكاك نضم.
مسمار قلب ترياق صباح
..رجعة نفس جوه الضلوع
بهجة عيون بيهو انشراح
تتهنى بيهو جمال حضور
لو مره زار الامكنه...
.زولاً  أنا..
زولاً  بيمسج جبهة الفتر
القديم من التعب
زولن يدلك للفرح لو الدروب
صبحت ضهب
زولن سمح في كل يوم
لما الزمان يصبح كعب
.تضحك تحسو بيشبهك
تفرح توالفو بلا سبب..
زولن جواي مكتوب اسم
وحروفو فيني معنونه.
..زولن أنا
زولن لمن يغيب بتحسو فيك
.وكل الخلوق بتشوفو فيك .
وتلقى كل الكون يأنسك ويشتهيك
لانو فيك .
زولن وكت ماتفوتك الاحلام قدر
تلقاهو مكتوب قسمة ليك .
بيملاك تب لمن تدفق وتكتفي
.بيقدر يسد كل الفراغ العاطفي
يخليك وسط الناس حضور
لو انت مافي والا..في
بيطمح بحور بالبهجه
والريد والهناء
...زولن أنا..
.. زولن يخاصمني سماح وريد
...زولن وكت مايفوت زعل
يمنحني بيهو فرح جديد.
ترقص بتضحك لي السنين
لمن تهل ايامو عيد
...زولن فراقو يوم ماكان فراق
وغيابو دايما شوق شديد
وانا بيهو بتنفس وفاء
مطمنة ومتيقنة .
.زولن انا

صباح محمد الحسن

بفوتك... خوف
متل خيبة رجاي الفيك
لقيت الليل يتلوى
من الالم موجوع
وماتلبس قناع الزيف
براك خداع بلا مقنع
ومتل قدر البقيف محتاج
على باب البخيل عشمان
راجي اللقمه من ايديو
يصد العشم بابو ويفوت يقنع
ومثل روح البصارع الموت
ويعيش لحظة ألم سكرات
ويكون حلمو تفارق
روحو بس تطلع
متل كل الكلام الشين
ومتل كل الكلام الزيف
ومتل كل الكضب كلمات
بفوتك قول بفوتك ريد
ومحال ياسيدي لو ارجع
بفوتك شايلة ترياقك
تلاوي كبيدتي من الجوع
مصراين الفراق نبحت
وماك الزاد
وكت مايجيك خشيم
الريد عشان يشبع
بفوتك ريد بيسرق
في خطاوي الخوف
هروب باليل وقبال
شمس االخلوق تسطع
بفوتك شوف عيونو
عمت من الخدعه
ولابرجع يحس بيك ولابسمع
بفوتك خوف من التاريخ
عشان مانكون للخداع مرجع
بفوتك موج هجر قيفك
وموية ملحك المره
خسارة قلبك المنبع
بفوتك ماك فارس القدله
ولاك لضعيف قبله
ولاك عشى البايتات
ولاك لي الحوبه يوم تنفع
بفوتك فالصو من الريد
نحاس الحب
وكت ماكتا مغشوشه
وشفتك ذي دهب بلمع
بفوتك مابتشبهني
ولابتشبه تكون ليا
بتشبه روحك المخدوعه فيك
وزول مخدوع وفيهو
الخوف دوام بخدع
وبيتك من قزاز الزيف
حذاري تشيل حجار اللوم
تفلع بيتي يوم تجدع
تجقلب خيلك انت وجع
وشكرك ديمه لي حماد
دوام يرجع
وليك بفتح ثلاته ابواب
براك اختار عشان تطلع
اطلع من عروق الدم
اطلع وشيل معاك الهم
اطلع تاني مافي ندم
اطلع وكت يبقى الفراق اشعار
كلامو رماد حرفو سجم
اطلع وكت يبقى
الاسف مجنون
يهضرب بي حلاوة الريد
ويشيل حق الوفاء
المسكين يشيل اقلع
أطلع

مافرقت
كان هليت قمر جواي ...
وكان شمس الفراق شرقت
مافرقت
كان خليتني في قلبك..
.وكان اشواقك من الخيال مرقت
مافرقت
كان حسيت بحبك زيف.
..وكان مشاعرك معاي صدقت
مافرقت
كان حققت احلامي..
.وكان كل الوعود كذبت
مافرقت
كان بردك غشاني سلام...
وكان نيران البعاد حرقت
مافرقت
كان كملت لي المشوار .
..وكان فترت خطاك رجعت
مافرقت
كان ريدتك غشتني خريف ...
وكان سحب الغرام خدعت
مافرقت
كان جواي سكني حنين...
وكان الذكرى يوم وجعت
مافرقت
كان هانت عليك ايام ...
وكان الريده ماشفعت
مافرقت
كان هليت قمر جواي
وكان شمس الفراق شرقت
مافرقت
صباح محمد الحسن

محيتك 

محيتك ذكري
من جواي
تفتق فيني جرح
الريد وماندمان
طويتك صفحة
من الهم ملانه
حروف شقي واحزان
بكيتك دمعة من الخوف
تفرح فيني كم شمتان
جردت وراك حساب الريد
لقيت حبي المعاك خسران
عرضتك في شوارع الريد
وبعتك بالرخيص قنعان
كتبتك كلمة في التاريخ
بتحكي عن البعيش حرمان
نسيتك وتاني مابطراك
وهبتك ذكري للاشجان
زرعتك شتلة الافراح
وحصدتك بذرة الاحزان
ووصلتك شواطي الريد
قعدت هناك براك حيران
ودعتك وداع اتنين
متفقين علي النسيان
ركبت براك مراكب
الهم شراعك قبلتو التوهان
وضربك موج ضميرك ليل
صباحك هلا فيك ندمان
وعشان البينا مايغرق
منحتك طوق من الغفران 

صباح محمد الحسن ..
.غناء محمد النصري

(مقبولة منك)

مقبوله منك فرقتي

يازولة اهدت قلبي ريد

وكانت سبب في حرقتي

ياقصة اقوى من البكا

وياخدعة سرقت فرحتي

ياغيمة كنت رجيتا شوق

رحلت بعيد من دنيتي
.
..يابلسم الشفاء يوم عيت

وكان السبب في علتي

ياغصة في حلق العشم

عمت العيون بي دمعتي

وياريد مشبع بالجفاء

بدل هناي بي حسرتي

ويا طعنة في ضهر الوفاء

ونكران جميل خان عشرتي

يازولة جوه اتمددت

رسمت ملامح وجعتي

نحتت وجودها من الالم

ومسحت رجايا ومنيتي

ماصلو طبعك ديمة زيف

وانا السماح من طبعتي

صباح محمد الحسن

قبب العشق

ببنيها ليك
قبب العشق
وبكون خليفه
على هواك...
درويشه
في ساحتك عشم
غرقانه في
حلقة مناك.
..لابساك طواقي
الريد خدر..
.جلباب سماح من
نور بهاك..
.مرقوعه بي
فرحك هدوم
لافحاك توب
من نوع وفاك...
ذاكراك يوت
في صحوتي
وحاسباك عدد
في غفلتي
وشايلاك مدد
لي يوم لقاك .
.قاصداك
ضريح الامنية
ومنتظره كل
بركات رجاك .
..ماحبي ليك
طوّل نذر
داخراهو
لي يومي المعاك!!!

مواعين الخريف
 

جفت مواعين
الخريف
الصب فيها
مطر عينيك
وفضلت احسب
في الفصول
اصلو الربيع
موسم عشق
وانا ليك موهط
من زمن
في تراب الانتظار
ومسكت بي
خيوط الوهن
كان القى في
قلبك بيوت
ماحبي ليك
هبش العضم
ومشاعري ليك
راجيها موت
وذنبي اخترتك قبيل
وذنب الوهن طول عمرو
شايلا العنكبوت
.وفترت خطاي
من دروب
سكة مشيك
.ملت مشاعري
غزل هواك
ابت الحواس
ترحل تجيك
..كلت رويحتي
الانتظار
شكت الهموم
منك ..وليك ..
.مالزمن كضب علي
غشاني بي
طلة وشيك ..
ونفد كمان
صبري وبقيت
ماعدت تاني
اهاتي بيك.

صباح محمد الحسن

أنا ياني أنا .

...لابدلت ريدي
الظروف
...لاغيرت حِني
السنين المحزنة
رغم القساوات
القبيل
.رغم المواجع
والعنا
...وزي ماكتير
شلتك فراق
...لي الليلة
شايلك لي منى
...وخليك على
عهد اللقاء
.لو انت ياك
زولي القبيل
البدري شاركني
الهنا
..وخليها ريدتك
تطمئن
مالدنيا بيك مطّمنة
وكل ما يزح
شوقك بعيد
واتلفح النسيان
سكوت
وامرق هواك
من القليب
تلقاني ريدتك مدمنه
وأنا ياني أنا

صباح محمد الحسن

قدرت علىّ

بعد ما جّف نبع الريد

وبعد ما عقّّرت الأشواق

لقيتك جوه في الأعماق

بتشلع ضيّ
وقدرت علىّ
بعد ماشاخت الذكرى..
وودّر عقلي معنى الحب
.. ومات الفرح جواي
أتاريك فيني نبضاً حيّ
وقدرّت عليّ
وماتتأسف السنوات
وكت وقفت فراق بينا
ومابقبل عزر لليوم
لمن بخّلت الساعات
وسرقت كل حنانك لي
وقدرت على
غريبة ظروفك الجاحده
وعنيده البهجة لما
تصرو ويشها
ويقيف بينا
الفراق عارض
ودون اسباب الاقى
الفرحه تحّدر لي
وقدرت علىّ
وطربت ليك مشاعري غنا
ورقص فيني كم احساس
وصفق شوقي مال طربان
وكت ماقلت حنّا على
وقدرت على
تصدق
بعد خاصمت كل الريد
وبعد حديت سواد وجفا
وبعد قفلت ابوابي
وزعِلّت على الحصل
والكان
لقيتو هواك بلّوح لي
وقدرت على
وماتلفت لا اترددت
جيتك شوق
وصنقعت وحمدت الرب
ودنقرت عليك ترحاب
حبابك زول ملانى سماح
وماعون الفرح دفق
وطمح الحنين
فاض بي
وقدرت على

صباح محمد الحسن

ودعتك الله
 

على الرحيل
كمّل براك
مشوار هواك
واقعد على
الفرقه القبيل .
..شرقت عليك
شمس الوجع
وشكت الهموم
حبا" عليل
...كملّت معاك
كل الحيل
نفد الصبر
اصبح قليل
شلتك زمان
فرح االبيوت
حجوة كضب
ولعبة شليل
...وإت كنت دايما
لي دليب
واقف عشم ..
وباخل على
بالحن ضليل
....ماانت حر
في نوع جفاك
انا ليه اكون دايما
وفي واصبح اسير...
.وودعتك الله
على الرحيل.
.وانا كنت بحلم
بيك منى
وصحيان على
العشم الجميل ..
.وبهجة قليب
راقص هواك
وسواهو فرحه
من العديل ..
.وانا كنت رغم
صغر وفاك
شايفاك
في عيني كبير...
.لكن خسارة
عليك اسف
دنقر علي
بالاعتزار
يوم حبو ماردّ
...الجميل.
وودعتك الله
على الرحيل
لملم جراحاتك
خلاص
وارقد على الجنبه
التريح فرقتك
مادام بطيب
ليك المقيل ..
..انا كنت خاتاك
احتمال لكل ظرف
وداخراك في وش
المحن والمستحيل .
..بس للاسف خيبت
فيك ظن الوفاء.
. وتاريك
مالضهر البشيل

....ودعتك الله

صباح محمد الحسن 

مقبولة منك

مقبوله منك فرقتي
يازولة اهدت قلبي ريد
وكانت سبب في حرقتي
ياقصة اقوى من البكا
وياخدعة سرقت فرحتي
ياغيمة كنت رجيتا شوق
رحلت بعيد من دنيتي
.
..يابلسم الشفاء يوم عيت
وكان السبب في علتي
ياغصة في حلق العشم
عمت العيون بي دمعتي
وياريد مشبع بالجفاء
بدل هناي بي حسرتي
ويا طعنة في ضهر الوفاء
ونكران جميل خان عشرتي

يازولة جوه اتمددت
رسمت ملامح وجعتي
نحتت وجودها من الالم
ومسحت رجايا ومنيتي
ماصلو طبعك ديمة زيف
وانا السماح من طبعتي

صباح محمد الحسن

مفتاح العصت

مادنقر عدم
 ولاصنقع فتر
ولاصًر الوجيه
ولاتبن الجيوب
قدم مسيخ اعزارو
وقشاش دموع 
الشاكيه الزمن
واللاعنه الظروف
ومانقطع العشم
الفيهو عقد امالو
مافج الشلل 
ولاصنقر سكوت
ولا اتصنت خبر
سماع الفارغه مابحلالو
لا..لاتحرش نضم
ولاسك الكلام
ولاحام بالبيوت
في الحله جابو اخبارو
نوام للفتن وحلال الشبك
وسيد الكلمه قول مابسمع
كلام لو ليهو قالو وقالو
حلال للعقد
اخوي الولد
ود عز الملوك
 الديمة ساتر حالو
ارباب ود رجال .
.الفارس أسد
سيد الساحة حر
 وكت الكبار اضارو
في ساعة المحن
 ماحرن وقف
ولا اتلفت رجف
ولافزه شاف انصارو
سيد الحوبه يوت
سيد عامر البيوت
ومفتاح العصت
الفيها الجميع احتارو
قدام في الصفوف
وعشاي للضيوف
دا الفايت الكتوف
قايده العميا شوف
و يوم جات الالوف
ماعرفوه خوف
 في ضهرو الصفوف
فرسان البلد تابعاهو 
ساكه غبارو
صباح محمد الحسن

قبب العشق

ببنيها ليك
قبب العشق
وبكون خليفه
على هواك...
درويشه
في ساحتك عشم
غرقانه في
حلقة مناك.
..لابساك طواقي
الريد خدر..
.جلباب سماح من
نور بهاك..
.مرقوعه بي
فرحك هدوم
لافحاك توب
من نوع وفاك...
ذاكراك يوت
في صحوتي
وحاسباك عدد
في غفلتي
وشايلاك مدد
لي يوم لقاك .
.قاصداك
ضريح الامنية
ومنتظره كل
بركات رجاك .
..ماحبي ليك
طوّل نذر
داخراهو
لي يومي المعاك!!!
صباح محمد الحسن

احساس فريد 

قنب علي  ضفة مناك
واحلم قدر مايكون وزيد
وتاوق في دواخلي
وشوف وبراك
تلقاني مفتون بيك شديد
وامرق مع النفس الطلع
وادخل مع واحد جديد
بتنفسك انا لي زمن
انا لي زمن بتنفسك
ومجراك مع الدم في الوريد
وارقد على عتب المسام
واتوسد احساسي الفريد
وحرك سكون عشمي الفتر
ودوذن وتر شوقي الشديد
ونوم على كف القدر
واصحى ومعاك فرحي الجديد
واشرق علي نور الصباح
واهزم حزن عمري العنيد
يازول محين بالوفاء
ويالوحة الفرح العريض
ياسيره جواي مشرقه
مشحونه بالامل الاكيد
انا كل مااقول منك كفاي
تلقاني طامع في المزيد
 

صباح محمد الحسن

ماجديده

عادي زي
حزن اليتامى
وعادي زي
يتم القصيدة
جاتني فجأة
رساله وارده
قالو دي
الخدمة الجديده
ميقابايت ميه عشره
سرعة انترنت فريده
وبي غباي فرحت قلت
حاجه حلوه
وكنت جد
نشوانه بيها
كمان سعيده
بس خسارة
تاري دي
السنارة زاتها
والفريسه قروشي
ضاعت
وزين خلاص
قدرت تصيدا
مالو نحن بقينا حالة
واحده من
حالات عديده
غازنا زي
احلامنا طار
وكهربتنا
زي امانينا العنيده
وكل ماتطلع زياااااده
مافي غير طول السكووت
والقبول
ردة الفعل الاكييده
بس وحاتك
يابلااااادي
يا اغلى من
روحي البريده
كل ماتموت فينا همه
تصحى همه
كماااان جديده
وبكره تشرق
شمس تانيه
والظروووف
اللينا صادت
نحن بكره
كمان نصيدا
ويفرح الاحساس
يغني
ونبقى اخبار الجريده
وكل ماتباعد
ظروووفنا
اشواقنا
لبااااااااكر شديده
صباح محمد الحسن

حزن ...ضاحك

شاخت بيك
معاني الذكرى.
. وودر عقل
الريدة الكان
بتصور روعة
حبك...
وخرف إحساسي
البتخيل
إنك فكرة...
وماتتأسف
يوم ماقولك
ما أظن
قدرت قصة حبك
تحفر فيني
مداخل وجعه.
.. وحزنك ضاحك
وساخر منك
يوم وقعت
رحيل.. الفجعة
وعادي فراقك
زي يوم جيتك...
وخابت تطرب
بيك مشاعري .
..وبخلت تعزف ليك
أغاني الرجعه .
..ولسه بحنس
روح البهجة
عشان ما تخرب
ليك وشيها...
وانو تقابلك
بي حنية
وتفرش دربك
وليك تتجمل..
. الا النسيان
واقف بينا
جدار الفرقة
العارض
.وما بتذكر
ووين لاقيتك
ما بتذكر!!!!!
صباح محمد الحسن